Bewegungsfoahrt im Ourewoald
Soamsdoachs owends es iss koalt.
Mit 5-6 Moann, oam Kaschde Bier
Verlässt der Karrn es Hauptquadier!
Bensem, Hepprum, Leerzebach
Der Motor der is veel sou schwach!
Sou zuckle se doa owwe naus
Un kumme oan de Wegscheid raus!
Uff oamal tuts en laude Knall
de Kaschde Bier is aach schun all!
De Kim kreischd: „Mach die Heizung aus,
un schun hubbst es Getriebe raus.
Ringserum blouß Boam oan Boam
Wie bringe mer den Karrn jetzt hoam.
Ruf erschd emol de Dieter bei
Der soll uns holle, äwwe glei.
De Hedderich fährt aa glei lous
Mit em Laster, riesig grouß
Noach 2 Stunn is der Kerl a doa
Un hängt des Auto hindroa!
Mit 80 gähits doann unnenaus
Richtung Grune - Spritzehaus.
Dehoam doan endlich mit dem Bock
Mer trinkt e Bier glei uff den Schock!
Doch oans des hoatte mer vegesse:
Mer wollte blous en Kochkäs´ esse!
Doch loass die Kerl mit ehrne Bosse
Mer dun jetzt oaner nunne loasse!